टुडे संवादाता 
हेटौंडा । नेपाली काँग्रेस मकवानपुरगढी गाउँपालिकाले बुधबार (आज) गाउँपालिकामा तालाबन्दि गरेको छ । गाउँपालिकाको कार्यशैलीप्रति आपति जनाउँदै र आफ्ना मागहरु सम्बोधन नभएको भन्दै काँग्रेस मकवानपुरगढीले पत्रकार सम्मेलन मार्फत पालिकामा तालाबन्दि गरेको हो ।
स्थानिय सरकारले जनताको हितका निमित्त कामहरु नगरी विभिन्न शीर्षकमा कर थुपारी राजस्व संकलन गर्ने नाममा खोलाको गिट्टी बालुवा झिकेर नीति नियम विपरित बिक्री गरेको र नदिजन्य पदार्थ उत्खनन् तथा बिक्री वितरण अनियमित गरेको पाईकाले खबरदारी गर्दा पनि आठ महिना बितिसक्दा गाउँपालिकाले बेवास्ता गरेको काँग्रेस मकवानपुरगढिका सभापति राजबिर मोक्तानले बताउनु भयो ।
राज्यबाट आएको बजेट पनि विकासको योजनाहरु आफ्नै पकेटको बजेट जस्तो गर्दै टोल टोलमा आश्वासन बाँड्दै राजनीतिक खेल खेल्दै अलोकतान्त्रिक शैलिमा हिडेको पनि काँग्रेसको आरोप छ । कोरोना कहर बिच पनि गाउँपालिकाले पालिकाबासिलाई विभिन्न शीर्षकमा करको भार थुपार्नु र अघिल्लो आर्थिक बर्षमा गरेको योजनाको रकम समेत भुक्तानी नगर्ने जस्ता निष्कृय काम गर्नु निन्दनिय भएको र आफुहरुको यो बिषयमा ध्यानाकर्षण भएको सभापति मोक्तानले बताउनु भयो ।
आठ महिना देखिको ढुङ्गा गिट्टी बालुवा उत्खननको प्रक्रिया, त्यसमा देखिएको परिणाम संख्या र घोटला हुन लागिएको राजस्व र गिट्टी बालुवा तथा नदिजन्य पदार्थमा लगाइएको ठेक्काको विषयमा छलफल गरी सर्वदलीयबाट निर्णय गरिनुमा आफुखुसी गरिएको भन्दै कांग्रेसले गाउँपालिकाको मुल गेटमा ताला लगाइएको मोक्तानले बताए ।
कार्यक्रममा पार्टीका नेता तथा तरुण दलका नेताहरुको कार्यकता पत्रकारहरुको उपस्थितीमा रहेको थियो ।
यस बिषयमा हामिले गाउँपालिकाका अध्यक्ष विदुर हुमागाईसंग कुराकानि गर्दा आफुलाई ताला बन्दिका बिषयमो कुनै जानकारि नभएको र आफु पटक पटक छलफलको लागि बोलाउदा पनि नआएको आरोप लगाउनुभयो साथै आफु काठमाडौं कार्यक्रममा आएकाले ५ गते कार्यालय आएपछि सञ्चारकर्मी, सबै राजनितिक दलका प्रतिनिधिहरु राखेर प्रस्ट रुपमा छलफल गरिने हेटौंडा टुडेलाई बताउनुभयो ।
यो पनि पढ्नुहोस
गढी गाउँपालिकाको कार्य प्रति काँग्रेसको आपत्ति, माग सम्बोधन नभए कार्य ठप्प पार्ने
