हेटौंडा टुडे
हेटौडा-कात्तिकको ११ गतेदेखि प्रदर्शनमा आएको चलचित्र ‘महापुरुष’ यतिबेला दोस्रो हप्तामा प्रदर्शनरत छ ।चलचित्रले दोस्रो हप्तामा पनि दर्शकहरुबाट उत्साहजनक साथ पाइरहेको छ ।
दोस्रो हप्ताको शुकवार र हिजो शनिवार चलचित्रका धेरै शोहरु हाउसफुल रहे । शनिवार कतिपय दर्शकहरु टिकट नपाएर फर्किन समेत बाध्य भएका थिए ।
लेखक एवं निर्देशक प्रदीप भट्टराईले चलचित्रले दोस्रो हप्तामा पनि दर्शकहरूबाट उत्साहजनक साथ पाएको बताउँदै खुशी व्यक्त गरेका छन् ।
दोस्रो हप्ता दर्शकहरुबाट अझ बढी साथ पाएको उनको दाबी छ । उनी भन्छन्, ‘पहिलो हप्ता भन्दा दोस्रो हप्ता यहाँहरुबाट अझ धेरै माया पाइयो । जुन बिरलै हुने गर्दछ् चलचित्र बजारमा ।’
सेयर गर्नुहोस्
