टुडे संवादाता 
बारा/बारामा अवैध लागुऔषध अफिमसहित दुई जना पक्राउ परेका छन्। । पक्राउ पर्नेमा जितपुर सिमरा उपमहानगरपालिका वडा नम्बर १६ का ४५ वर्षीय दुर्गाबहादुर मोक्तान र ४५ वर्षीय रविबहादुर सिञ्जाली मगर रहेको प्रहरीले जनाएको छ ।
लागुऔषध नियन्त्रण ब्युरो शाखा कार्यालय वीरगञ्जबाट प्रहरी नायब निरीक्षक तुुलाप्रसाद पुुडासैनी र इलाका प्रहरी कार्यालय कोल्हबीबाट खटिएको संयुुक्त प्रहरी टोलीले कोल्हबी नगरपालिका वडा नम्बर ६ प्रसौना बजारबाट २ किलो ७ सय ग्राम लागुुऔषध अफिम पक्राउ गरेको हो ।
प्रहरीले नम्बर नखुलेको मोटरसाइकलमा सवार उनीहरूलाई जाँच गर्ने क्रममा मोटरसाइकलको सिटमा लुकाई राखेको अफिमसहित पक्राउ गरेको हो।
पक्राउ परेका माथि बारा जिल्ला अदालतबाट ६ दिनको म्याद लिई हिरासतमा राखी थप अनुसन्धान भइरहेको बाराका प्रहरी प्रवक्ता प्रहरी नायब उपरीक्षक गौतम मिश्रले जानकारी दिए।
